Romerige pampoentert resep: met stroop en kaneel
Pampoen is volop beskikbaar en boonop so bekostigbaar. Daar is ‘n groot verskeidenheid pampoentert resepte beskikbaar. Hierdie heerlike gereg is tradisioneel vir Danksegging en Kersfeesvieringe, maar in Suid-Afrika is dit ‘n enige-tyd-gereg met verskeie smaaklike pampoentert resepte wat die lig gesien het.
Source: UGC
Of dit nou ‘n groot tert of klein tertjies is, dit bly ‘n groot gunsteling en lekker alternatief vir pampoenkoekies. Dit kan ewe gemaklik opgedien word as bygereg of as nagereg, met kaneel, stroop of heerlike vars room. Resepte is inderdaad van te kies en keur, van romerige pampoentert, plaaskombuis pampoentert, pampoentert met stroop, pampoentert met kaneel, pampoentert resep met kondensmelk of mikrogolf pampoentert, daar is ‘n tert ideaal vir ieder en elk.
Pampoentert resep: agtergrond
Source: Facebook
Alhoewel uiters gewild en tradisioneel, veral met Danksegging en Kersfees in die Verenigde State van Amerkia of Kanada, is dit net so gewild in Suid-Afrika en boonop kan dit enige tyd van die jaar gemaak en bedien word. Die geskiedenis van pampoentert is ryk. Die naam ‘pampoen’ kom van die Griekse woord vir groot spanspek, of in Engels, ‘melon’ en dus ‘pepon’. Die Franse het die ‘pepon’ verander na ‘pompon’. Die Engelse het dit ‘pumpion’ genoem.
Die vroeë Amerkiaanse setlaars (1620) het allerlei pampoen pasteie gemaak, pampoene uitgehol en gevul met melk, heuning en speserye en dit dan in warm as gebak. Inheemse Amerikaanse stamme het pampoene gegroei en dit as geskenke gegee aan die eerste setlaars. Dit het gelei tot die opdiening van pampoentert tydens Danksegging in Amerika ongeveer 50 jaar later.
Pampoentert idees
Die eerste resep vir pampoentert was in 1653 deur die bekende Franse sjef en skrywer. Resepte het vinnig verskillende nuwe bestanddele gerky soos kaneel, neutmuskaat, naeltjies asook appels, rosyntjies en korente as vulsel. Vandag is dit ‘n gewilde gebak asook nagereg en is boonop ‘n baie maklike resep om baas te raak.
Heerlike pampoentert met stroop en kaneel
Source: UGC
1. Klits saam:
- 125 g margarien
- 200 ml suiker
- 3 eiers
2. Sif die droë bestanddele saam en voeg by die eerste mengsel:
- 250 ml koekmeelblom
- 15 ml bakpoeier
- 2 ml sout
3. Voeg by boonste mengsel:
- 3 koppies koue, gaar pampoen (botterskorsie)
- 1 t vanieljegeursel
4. Plaas alles saam in ‘n glasbak en bak in vir 40 minute in die oond teen 190 ºC.
Sous:
- 1 koppie suiker
- 1 t vanieljegeursel
- 3 eetlepel margarien
- 1 blik Ideal melk
5. Kook die sous vir 5 minute en giet oor die warm tert sodra dit uit die oond kom.
6. Besprinkel met kaneel en dien op as bygereg of sit voor saam met room as nagereg.
Maklike pampoentert met kondensmelk
Source: UGC
Hierdie is ‘n heerlike nagereg. Vervang die ingedampte melk met kondensmelk en jy het ‘n heerlike soettandgereg.
Bestanddele:
Vir die kors:
- 250g koekmeel
- 125g botter in blokkies gesny
- 2 eetlepels suiker
- 1 eiergeel
Vir die vulsel:
- 425g pampoen, gaar en in blokkies gesny
- 1 400g blikkie kondensmelk
- 2 eiers
- 1 teelepel vanielje ekstrak
- ½ koppie gemengde speserye: kombinasie van kaneel, gemmer, neutmuskaat en naeltjies.
Metode
Die kors:
- Sif die meel goed en vryf die botter met jou vingerpunte in die mengsel totdat dit vertoon soos broodkrummels.
- Voeg die eiergeel, suiker en 1-2 eetlepels koue water by.
Source: UGC
3. Meng saam om ‘n deeg te vorm wat nie aan jou hande kleef nie.
4. Bedek met kleefplastiek en verkoel vir ongeveer 30 minute.
5. Rol die deeg uit in ‘n dikte van ongeveer 1/2cm.
6. Voer ‘n oondvaste bak netjies uit met die deeg.
Die vulsel:
- Voeg die kondensmelk, pampoen, vanielje, speserye en eiers saam in ‘n bak. Gebruik ‘n handmenger om dit tot glad te klits.
Source: UGC
2. Gooi die beslag oor die deeg in die oondbak en bak in ‘n voorafverhitte oond (200 grade) vir 15 minute.
Source: UGC
3. Verminder die hitte tot 180 grade en bak vir ‘n verdere 40-45 minute totdat die tert geset is.
4. Laat die tert afkoel en bedien met styfgeklitste room.
Hierdie maklike pampoentert met kondensmelk is voorwaar 'n treffer. Pampoen is bekostigbaar en 'n maklik bekombare vrug. Dit is die ideale bykos - hetsy by 'n heerlike, warm, maaltyd of as nagereg waar dit saam met stroop en/of room voorgesit kan word. Dit is ook die ideale manier om jong kinders aan groentesmake voor te stel en dit behoort in 'n japtrap een van die jongspan se gunstelinge pampoentert resepte te wees. Daar is verskeie lekker resepte vir die jonger geslag et onder meer pampoenterte.
READ ALSO: Pampoenkoekies resep met karamel sous
Boonop is daar op Briefly.co.za hierdie heerlike pampoenkoekies resep om mee te eksperimenteer as jy nie net wil tert maak nie maar 'n interessante by-/nagereg. Met heerlike room en karamelsous, is dit inderdaad 'n ryk nagereg en ideaal vir enige soettand.
Source: Briefly News
