Maklike karringmelk beskuit resep
Suid-Afrika het baie uiteenlopende, diverse kosse. Een van die gewildstes is saam met boeretroos, naamlik heerlike karringmelk beskuit. Dit is iets wat sterk herinner aan ons sorgvrye kinderdae. Vandag is dit algemeen om eerder beskuit in die winkel te koop as om self te bak, maar die lekkerstes bly dié wat in ouma, ‘n tannie of ma se kombuis gemaak is met ons maklike karringmelk beskuit resep. Soos die gesegde lui, wat is koffie dan nou sonder beskuit?
Source: UGC
Dit is ‘n tradisionele Afrikaanse gebak om saam met tee of koffie te eet. Dit word ook daarin gedoop om dit geurig en sag te maak. Daar is verskeie resepte, maar die bekendstes is boerbeskuit, mosbolletjies en karringmelkbeskuit. Die kommersiële "Ouma se Beskuit" is alom bekend en moontlik die naaste wat jy sal proe wat herinner aan jou ouma se geliefde familie resep. Beskuit word oorwegend saam met die oggendkoffie te eet, maar word dikwels ook geniet saam met laatmiddagkoffie en aandkoffie.Veral in die platteland word beskuit as 'n stapelvoedsel beskou en verskaf dit soggens die nodige energie vir die dag se fisiese werk.
Geskiedenis van Suid-Afrikaanse beskuit
Beskuit, eg Afrikaane kos, se oorsprong kom van Jan van Riebeeck tydens sy verblyf aan die Kaap. In daardie jare is brood nog vanaf Holland ingevoer. Hy meld in sy Daghregister (III) op 23 September 1660 dat van die "cruymelbeschuit" vir die varke gegee moes word, waarskynlik omdat dit muf geword en bederf het.
Source: Facebook
Die woord 'beskuit' is afkomstig van die Franse woord biscuit de guerre, wat beteken “twee keer gebak”. Die eerste beskuitresepte het in De volmaakte Hollandsche keuken-meid van 1761 verskyn. Die tannies in die Kaap was ywerige baksters en het beskuit aan die matrose verkoop asook aan die reisigers wat die lang verkenningstogte die binneland in moes aanpak. Spoedig het vele karringmelk beskuit resepte verskyn soos die tantes gebak en -brou het.
Van maklike karringmelk beskuit resep, snowflake karringmelk beskuit, ryk karringmelk beskuit, outydse karringmelk beskuit, maklike karringmelk beskuit met koekmeel en klapper karringmelk beskuit om maar 'n paar te noem.
Source: UGC
Agtergrond van karringmelk
Karringmelk as sulks is 'n geurige, suur melkdrank wat as neweproduk van bottervervaardiging ontstaan. Karringmelk word reeds sowat 4 500 jaar gelede in Indië, Mesopotamië en Egipte vervaardig. Gewoonlik is melk in houers, wat van bokleer, erdewerk of pampoene gemaak is, geskud tot die room (die bottervet) van die melk begin afskei. Die bottervet is daarna geklits en geknee totdat botter ontstaan - en tegelyketyd karringmelk begin uitvloei. Vandag word karringmelk op 'n meer higiëniese manier in houers van vlekvrye staal industrieel vervaardig.
Heerlikste karringmelk beskuit resep ooit
Suid-Afrikaanse beskuit verskil aansienlik van die oorspronklike Nederlandse beschuit in beide vorm en smaak. Daar is 'n groot verskeidenheid beskuit beskikbaar, met basissmake soos anys, karringmelk of selfs hawermout.
Bestanddele
- 1 kg bruismeel
- 5 ml bakpoeier
- 5 ml sout
- 5–10 ml anyssaad (opsioneel)
- 200 g (250 ml) suiker
- 250 g (280 ml) botter
*Kies net een of maak ’n mengsel wat altesaam
250 ml is:
- ± 250 ml fyn klapper
of
- ± 250 ml High Bulk- of All Bran-vlokkies
of
- ± 250 ml gemengde saad en grofgekapte neute
of
- 250 ml geroosterde muesli*
- 375 ml karringmelk
- 125 ml suurroom of addisionele karringmelk
- 2 eiers
Om af te rond (opsioneel)
- 30 ml gereserveerde eiermengsel
- 30 ml sesamsaad
Metode 1. Voorverhit die oond tot 180 °C. Smeer ’n diep oondpan (± 35 x 25 x 6 cm) of 2 broodpanne (28 x 12 x 8 cm) kwistig met botter.
2. Strooi sesamsaad liggies oor die bodem van die pan. Vryf die droë bestanddele en botter saam tot krummelrig.
Source: UGC
3. Voeg die opsionele bestanddele by en maak ’n holte in die middel. Meng die karringmelk, suurroom en eiers goed saam en hou 30 ml om die beskuit te glaseer.
Source: UGC
4. Voeg die res by die meelmengsel en meng tot ’n matig-sagte deeg. Keer uit op ’n meelbestrooide oppervlak en knie liggies tot ’n mooi egalige deeg vorm.
5. Knyp balletjies af en rol dit tussen die handpalms om effe ovaalvormige beskuite te maak.
Source: UGC
6. Pak die beskuitjies regop en teen mekaar in die panne en verf met glaseersel. Strooi sesamsaad oor.
7. Bak ongeveer 35 minute of totdat die bokant liggoudbruin is en ’n toetspen skoon uitkom.
8. Indien die beskuit te gou verbruin, draai die oond af na 160 °C en bedek dit lossies met foelie om verdere verbruining te voorkom. Laat vir 5 minute in die panne staan, keer uit op ’n afkoelrak en laat dit heeltemal afkoel.
9. Breek die beskuite los van mekaar met behulp van ’n vurk.
10. Stel die oond op 60 °C en laat die beskuit vir 5–6 uur uitdroog. Plaas ’n lepel in die oonddeur om dit effens oop te hou sodat die vog kan ontsnap.
11. Laat afkoel en bewaar in lugdigte houers.
Hierdie gebakte lekkerny van ouds het net iets spesiaals en is eie aan Afrikaanse gesinne. Boonop is daar soveel verskillende variasies van anyssaad, rosyntjies tot All Bran en sjokoladevlokkies om hierdie lekkerny nog lekkerder te maak. Met 'n bietjie oefening kan jy boonop dalk nog 'n bobaasbakster raak wat die gewilde Ouma se Beskuit troef of ore aansit met hierdie maklike karringmelk beskuit resep!
READ ALSO: Traditional buttermilk rusks South African recipe
Boonop is daar op Briefly.co.za nog 'n heerlike karringmelk beskuit resep.
Dié een ietwat meer basies, maar steeds heerlik en 'n goeie alternatief om mee te eksperimenteer as jy eers bietjie wil oefen om dié tuisgebak onder die knie te kry.
Source: Briefly News
