Hertzoggies resep: maklike gids met foto's en video's
Hertzoggies, oftewel Hertzog-koekies, is vernoem na die Suid-Afrikaanse politikus en Anglo-Boereoorlog-generaal, J.B.M. Hertzog. Hy was Suid-Afrika se eerste minister van 1924 tot 1939 en dit was blykbaar een van sy gunsteling lekkernye. Daar word beweer dat Hertzog se ondersteuners die koekies gebak en bedien het as ‘n teken van hul politieke ondersteuning. Die Kaap-Maleise gemeenskap bedien dit gereeld as nagereg gedurende Eid. Dié gewilde Suid-Afrikaanse gebak bestaan uit ‘n tertdoppie gevul met appelkooskonfyt met klappermeringue bo-op en is ‘n baie maklike resep met 'n verskeidenheid Hertzoggie resepte om van te kies.
Source: Twitter
Alhoewel daar ander tipes vulsels kan gebruik word, bly tradisionele, klassieke Hertzoggies van die lekkerste, veral as dit gevul word met tuisgemaakte appelkooskonfyt.
Ouma se Hertzoggies
Hertzoggies is deel van ons Suid-Afrikaanse kosgeskiedenis en elke happie herinner ‘n mens baie beslis aan Ouma. In die meeste oumas van ouds se kombuise is daar dikwels gebak en gebrou met die kleinkinders wat al te gretig hand bysit. Hertzoggies is beide bekend as koekies en tertjies. Dié unieke teetyd-tertjie is inderwaarheid eintlik ‘n kombinasie van twee Nederlandse pasteitjies: die outydse Nederlandse appelpastei en ‘n vrugte gevulde vlaaien. Die pasteitjie is gegeur met invoerprodukte soos suiker, appelkooskonfyt en gedroogde klapper wat destyds skaars bestanddele was.
Die basiese resep van ‘n Hertzoggie is dieselfde, maar daar is heelwat verskillende resepte beskikbaar soos die maklike Herzoggies resep, outydse Hertzoggies resep, tradisionele Hertzoggies resep en Hertzoggies resep met bruismeel. Indien jy nie koekmeelblom en bakpoeier het nie, kan jy vir elke 240ml koekmeelblom dit vervang met 250ml bruismeel. Ondanks die feit dat die meeste Hertzoggie resepte dieselfde is, bly dit ‘n immergewilde lekkerny saam met teetyd of selfs as watertandlekker nagereg. Dit is nog smaakliker as die tertdoppies met tuisgemaakte appelkooskonfyt gevul is en gee enige maklike Hertzoggie resep net nog ‘n meer tradisionele byt.
Source: UGC
Hertzoggie resep (die resep lewer ongeveer twee dosyn koekies)
Die maklike Hertzoggie resep help jou om in ‘n japtrap hierdie unieke, tradisionele, Suid-Afrikaanse lekkerny voor te berei. Die tertdoppie: Hertzog-koekies bestaan uit 'n broskorsdeegbasis, 'n appelkooskonfytvulsel en 'n dop gemaak uit klappermeringue wat dan gebak word.
Hertzoggies bestanddele
Kors:
- 450 (425ml) Koekmeelblom
- 5ml Bakpoeier
- 1ml Sout
- 125g Botter (Margarine), Kamertemperatuur
- 125g (150ml) Suiker
- 4 Eiergele (groot eiers)
Vulsel:
- 50ml Fyn Appelkooskonfyt
- 4 eierwitte (groot eiers)
- 75g (100ml) Suiker
- 50ml Klapper
- 2ml Vanieljegeursel
- Knypie sout
Metode
- Sif die koekmeel, bakpoeier en sout saam.
- Vryf die botter met jou vinngerpunte tot die mengsel fyn gekrummel is.
- Voeg die suiker by en meng goed.
- Voeg daarna die eiergele by en meng tot ‘n deeg.
Source: UGC
5. Rol die deeg tot sowat 3mm dik uit en druk sirkels, 8cm in deursnee, uit.
6. Plaas die deegsirkels in gesmeerde kolwyntjiepanne.
Source: UGC
7. Skep 2ml appelkooskonfyt in elke doppie.
8. Klits die eierwitte tot droog en vou liggies die res van die van bestanddele daarin.
9. Skep dessertlepelsvol van die meringe op die konfyt.
Source: UGC
10. Bak vir 15-20min in ‘n voorverhitte oond van 180°C.
11. Keer uit op ‘n draadrak en laat afkoel.
12. Bedien saam met tee of as nagereg na aandete.
Variasies wat in hierdie resep gebruik kan word:
Suurlemoentertjies: Klits 1 blikkie kondensmelk, die sap van 1 suurlemoen, 2 eiers en 2 eierwitte saam. Voeg voeg in elke holte van die pan.
Melktertjies: Vul die holtes met melktertmengsel.
Source: Twitter
READ ALSO: Classic South African hertzoggies recipe
Op Briefly.co.za is daar 'n heerlike, klassieke resep asook hierdie watertand-weergawe. Hertzoggie resepte mag wel uit die 1920’s dateer en is dus een honderd jaar oud, maar dit bly beslis ‘n geliefde, outydse, tradisionele eg Suid-Afrikaanse koekie. Dit is maklik om te maak met 'n unieke kombinasie en geur en met dié maklike aanwysings, sal jy dit in 'n japtrap baasraak.
Source: Briefly News
